湯火功夫麻辣燙 (已結業)

送左大帝番學後就係我的自由時間，今日去左銅鑼灣食個late lunch。之前間唔中去大陸玩都會去鋪頭食或番酒店叫外賣麻辣燙食。係香港唔多麻辣燙鋪頭，今次見到就黎試下。寫紙仔揀食咩餸同麵食，叫左娃娃菜雞翼萵笋麻辣米線，要左小麻小辣。滿滿一大碗面頭有幾多花生，湯底夠麻夠辣仲有點花生香，味道唔錯，娃娃菜亦新鮮，萵笋爽脆，雞翼滷得入味。米線爽滑唔會淋patpat。仲叫左杯凍奶茶走冰，茶幾香唔會澀，亦都幾滑，幾好飲。環境乾淨光猛，有些燈幾有特色，比起一般見到既麻辣燙鋪頭乾淨有裝修。