美味的泰國菜餐廳 (已搬遷) 新店位置

我諗我食咗呢間泰國餐廳不少於20次😂 多數都係食午市嘅，鍾情佢嘅冬陰功金邊粉或者豬肉船河。 最喜歡嘅係佢無論門面又或者係廚房都係由泰國人士主理，味道亦都好似喺泰國當地地道嘅餐廳咁，唔會話特別為咗香港人而改口味，真正保留住泰國嘅風味。午市冬陰功金邊粉包一杯飲品68蚊冇加一， 冬陰功湯底好濃厚，感覺同散叫一碗湯嘅感覺一樣，另外仲有幾隻蝦，大量肉碎芽菜，仲有隻煎太陽蛋😋 每次冇乜胃口或者宿醉之後就特別喜歡過嚟食呢一碗粉，食完好開胃😂