皇庭海鮮酒家

營業中

休息中

山長水遠入去流浮山，諗住買啲野過年。諗住買嘢之前同屋企人入嚟飲過茶，驚冇嘢食，預先已經打定電話入嚟話茶市收三點。搭K車入嚟都好方便，喺總站落咗之後向前行幾分鐘就見到酒樓。整體嚟講除咗個乳鴿係熱辣辣之外，其他都係常溫。個芋蓉奶黃流心酥就真係差咗少少好似炸咗好耐之後放涼咗咁，豬腳仔都唔算入味。反而個蛋煎糯米雞幾香，煎過嘅糯米飯係幾遠，但餡料就唔算好足。個芝心蝦丸幾彈牙，另外個蝦餃都幾爽口，但係可惜塊皮厚咗啲。反而我覺得個雞球大包幾足料，其實鮑魚嚟講係一個點綴，反而佢裏便啲雞髀肉都幾多，唔係齋係打爛啲雞肉，真係有一件件雞髀肉係裡面。啲魷魚都夠味，但係都係嗰句點心唔夠熱，味道就打折了！