影片
更多
2024-01-28
784 瀏覽
呢一日探完病，落咗小巴就走咗嚟附近呢間古色古香，望落有幾十年歷史嘅茶記，餐牌選擇唔多，碟頭嘅就只有飯同意粉，其他乜都無，泡麵就只有一款沙嗲牛肉麵，啲飯同意粉款式唔太啱我，於是叫個常餐，有沙嗲牛肉麵、火腿煎蛋跟牛油餐包，熱飲我揀咗熱奶茶，共銀$38。茶記慣性先嚟，話明望落有幾十年歷史嘅茶記，設備當然都唔會與時並進啦！砂糖係其中之一，呢間嘢仲用緊散裝砂糖，而唔係獨立包裝，搞到我有啲唔知個份量添。茶杯夠厚身，茶質亦夠滑，唔錯。另一樣古色古香係會用個杯裝紅茶畀你洗餐具，呢樣亦係依家茶記好少有。接住嚟嘅係火腿煎蛋配牛油餐包，半片火腿加隻凍嘅流心煎蛋，兩樣都叫正常，最唔正常係個餐包，外型唔係舊式茶記用嘅十字餐包，明顯係自家特色餐包，唔講得係硬，但非常實心，非常飽肚，牛油少到幾乎見唔到，餐包味道同牛油味道非常淡，即使我夾埋半片火腿都幾乎食唔到有鹹味，真係好健康。但「經典」嘢又點可以畀佢停，當然要繼續啦！要講嘅係姍姍來遲嘅沙嗲牛肉麵，賣相已經完全唔吸引，完全睇唔到佢有沙嗲味，食落口當然亦無沙嗲味，只食到有薑絲，而當我一啖咬落片牛肉度時，哇！精彩！牛肉居然係凍冰冰嘅！令我精神為之一「震」！想我唔記得都幾
茶記慣性先嚟，話明望落有幾十年歷史嘅茶記，設備當然都唔會與時並進啦！砂糖係其中之一，呢間嘢仲用緊散裝砂糖，而唔係獨立包裝，搞到我有啲唔知個份量添。茶杯夠厚身，茶質亦夠滑，唔錯。
另一樣古色古香係會用個杯裝紅茶畀你洗餐具，呢樣亦係依家茶記好少有。
接住嚟嘅係火腿煎蛋配牛油餐包，半片火腿加隻凍嘅流心煎蛋，兩樣都叫正常，最唔正常係個餐包，外型唔係舊式茶記用嘅十字餐包，明顯係自家特色餐包，唔講得係硬，但非常實心，非常飽肚，牛油少到幾乎見唔到，餐包味道同牛油味道非常淡，即使我夾埋半片火腿都幾乎食唔到有鹹味，真係好健康。
但「經典」嘢又點可以畀佢停，當然要繼續啦！要講嘅係姍姍來遲嘅沙嗲牛肉麵，賣相已經完全唔吸引，完全睇唔到佢有沙嗲味，食落口當然亦無沙嗲味，只食到有薑絲，而當我一啖咬落片牛肉度時，哇！精彩！牛肉居然係凍冰冰嘅！令我精神為之一「震」！想我唔記得都幾難啦！我亦醒目咁將啲牛肉潛入啲湯度，慢慢啃完個包先至食呢個麵（個包咁實，真係要慢慢啃先至食得完），而事實證明我嘅做法係正確嘅，當我啃完個餐包，啲牛肉真係熱返啲，好食啲，但依然無沙嗲味。
而個麵係扁身而唔係圓身，同大快活嘅泡麵差不多質地，同樣唔係我喜歡食嘅質地。
另外，我望見隔離檯有叫咖喱豬扒飯，好彩我無叫，因為賣相完全唔似咖喱豬扒飯嘅顏色，好似求其畀啲豉油漿粉淋起件豬扒上面就算數嗰隻。
雖則話$38個常餐係好平，但居然交啲咁嘅質素嘢出嚟，絕對物非所值。
下次嚟呢間嘢，如果有下次的話，飲杯奶茶，吔個包就算啦！
張貼
