常麵館 (已結業)

之前曾經路過見到入面個裝修吸引，今日專登過嚟試食。因為已經過咗午餐時間，食客唔多，可以坐低慢慢食。發覺入面啲光管幾得意，又新潮，可以用作影相打卡。黑松露炒蛋個人覺得味道較淡，可以落多少少鹽，不過個牛油多士外脆內軟，牛油又唔會太多，口感唔錯。唔會好似啲茶餐廳咁一早整定晒啲多士，攪到個多士淋晒又凍冰冰。沙嗲牛肉麵個唔會煮得太淋，爽口，牛肉鬆化入味，又無根。沙嗲汁味道及濃度適中。凍檸茶少甜檸檬片較少，督唔到啲檸檬，所以檸檬味，而茶味亦不夠，不過不失、普普通通咁啦。