影片
更多
2023-07-10
259 瀏覽
因為我小學中學大學都係喺九龍城區讀書所以對於九龍城嘅餐廳都非常之熟悉不過時移世易事過境遷好多以前熟悉嘅餐廳小店都已經抵受唔住時代嘅洗禮一間一間咁結業🥲有啲可能係因為老闆年紀大想退休享受生活有啲可能係大眾口味唔同咗所以支撐唔住我最喜愛的九龍城食肆有幾間↙️💔義香荳品廠佢嘅豆腐真係好出色超級有黃豆味係有一種炭燒豆腐嘅豆香味粗糙得來有啲細緻豆腐味都食到回甘就好似佢個駐店老闆娘一樣咁粗獷🧑🏼🎤但係其實又勁好人嗰陣時個個走去排隊食公和我同我嘅同學仔就會走去義香荳品廠💕價錢平好多但係味道都係一樣甚至更加出色💔三和田日本料理以前無咁多日本餐廳fusion菜呢間平民日本料理就係窮學生嘅恩物入到去唔會講日文嘅歡迎光臨係有幾個譚仔口音嘅師奶做樓面雖然一啲日本氣氛都發覺唔到但係食物又大碟又有水準係lunch time 聚腳熱點最記得係佢有個便當餐只係$48就有青瓜蟹子沙律🥗/雜錦刺身🍣/豚肉燒🐷/天婦羅🍤通常手頭鬆動返學辛苦想車獎勵吓自己就會叫呢個餐💔地茂館以前返學都有OT就係課外活動永遠搞到7點幾8點諗返轉頭唔知點解當時可以咁熱血一班人做到咁夜就會去地茂館叫幾個小菜醫肚啲小菜有火喉有鑊氣拍得住大排檔相隔幾
因為我小學中學大學都係喺九龍城區讀書
所以對於九龍城嘅餐廳都非常之熟悉
不過時移世易事過境遷
好多以前熟悉嘅餐廳小店都已經抵受唔住時代嘅洗禮
一間一間咁結業🥲
有啲可能係因為老闆年紀大想退休享受生活
有啲可能係大眾口味唔同咗所以支撐唔住
我最喜愛的九龍城食肆有幾間↙️
💔義香荳品廠
佢嘅豆腐真係好出色超級有黃豆味
係有一種炭燒豆腐嘅豆香味
粗糙得來有啲細緻豆腐味都食到回甘
就好似佢個駐店老闆娘一樣咁粗獷🧑🏼🎤但係其實又勁好人
嗰陣時個個走去排隊食公和
我同我嘅同學仔就會走去義香荳品廠💕
價錢平好多但係味道都係一樣甚至更加出色
💔三和田日本料理
以前無咁多日本餐廳fusion菜
呢間平民日本料理就係窮學生嘅恩物
入到去唔會講日文嘅歡迎光臨
係有幾個譚仔口音嘅師奶做樓面
雖然一啲日本氣氛都發覺唔到
但係食物又大碟又有水準係lunch time 聚腳熱點
最記得係佢有個便當餐只係$48就有
青瓜蟹子沙律🥗/雜錦刺身🍣/豚肉燒🐷/天婦羅🍤
通常手頭鬆動返學辛苦想車獎勵吓自己就會叫呢個餐
💔地茂館
以前返學都有OT就係課外活動
永遠搞到7點幾8點諗返轉頭唔知點解當時可以咁熱血
一班人做到咁夜就會去地茂館叫幾個小菜醫肚
啲小菜有火喉有鑊氣拍得住大排檔
相隔幾個舖位嘅同名糖水舖一樣出式
所有傳統糖水一應俱全而且很有古早的味道
絕對不是溝粉加水貨式超級懷念
至於合成糖水我今次真係有啲失望
難得係一間多年嚟屹立不倒嘅老字號
但係質素完全大不如前
1️⃣芝麻糊湯圓:
溝粉無味一啲幼滑絲綿嘅感覺都無
2️⃣綠豆邊清心丸:
係一款潮洲特色糖水但佢味道分離清心丸綠豆邊同糖水味道未能融合
3️⃣薑汁湯圓:
不過不失好難失手
4️⃣蕃薯糖水:
蕃薯係手搣而唔係刀切因此更有口感及保持原味，不過蕃薯份量偏少
佢嘅價錢每碗都40蚊起跳左右
講真呢款貨式通街都係
只係買佢老字號的招牌同情懷
希望店主可以管理返個質素唔好因循苟且🥲
張貼
