影片
更多
2021-07-17
1421 瀏覽
一向有幫襯開炮台山店嘅「四寶食堂」，最近餐廳由 AIA Tower 搬咗去電氣道街市對面，趁今日嚟開呢頭，就順便過來吃頓午餐。餐廳外觀好搶眼，由門面以至內裡裝潢都用上湖水藍為主，色調柔和，感覺清新舒服。由於嚟到正值午市繁忙時間，所以餐牌上嘅選擇都係以套餐為主，只有三個系列，包括精選午餐、招牌推介及港式常餐。點咗香濃沙嗲牛肉麵 ($50) 同 招牌瑞士汁炒牛河 ($58)。麵餐十分抵食，大大碟，配有炒蛋同自家製精選麵包。麵條煮得爽彈，牛肉份量甚多，配上熱氣騰騰的惹味沙嗲湯汁，香濃得讓人忍不住大快朵頤。墨西哥包頂層嘅白霜，奶味濃郁，入口唔會「死甜」，配埋金黃嫩滑嘅炒蛋一齊食，真係無得輸。另外呢碟瑞士汁炒牛河，味道亦很不錯，河粉又滑又有彈性，入口時還略帶點焦香。牛肉肉質好鬆化、鮮嫩味美，加上甜味的濃汁，將河粉和牛肉重重包裹，非常惹味。頭先入嚟嘅時候，見到門口個玻璃櫃入面嘅酥皮蛋撻 ($7@) 同 磨菇雞批 ($12) 好靚仔，賣相非常吸引，一場嚟到，當然要試下。蛋撻做得十分出色，酥皮好鬆脆，食落層次分明，中間的蛋又滑又香，入口不會過甜，充滿茶餐廳風味。雞批亦有水準，皮薄酥香，入面嘅餡料有紅
餐廳外觀好搶眼，由門面以至內裡裝潢都用上湖水藍為主，色調柔和，感覺清新舒服。
由於嚟到正值午市繁忙時間，所以餐牌上嘅選擇都係以套餐為主，只有三個系列，包括精選午餐、招牌推介及港式常餐。
點咗香濃沙嗲牛肉麵 ($50) 同 招牌瑞士汁炒牛河 ($58)。麵餐十分抵食，大大碟，配有炒蛋同自家製精選麵包。麵條煮得爽彈，牛肉份量甚多，配上熱氣騰騰的惹味沙嗲湯汁，香濃得讓人忍不住大快朵頤。墨西哥包頂層嘅白霜，奶味濃郁，入口唔會「死甜」，配埋金黃嫩滑嘅炒蛋一齊食，真係無得輸。
另外呢碟瑞士汁炒牛河，味道亦很不錯，河粉又滑又有彈性，入口時還略帶點焦香。牛肉肉質好鬆化、鮮嫩味美，加上甜味的濃汁，將河粉和牛肉重重包裹，非常惹味。
頭先入嚟嘅時候，見到門口個玻璃櫃入面嘅酥皮蛋撻 ($7@) 同 磨菇雞批 ($12) 好靚仔，賣相非常吸引，一場嚟到，當然要試下。蛋撻做得十分出色，酥皮好鬆脆，食落層次分明，中間的蛋又滑又香，入口不會過甜，充滿茶餐廳風味。雞批亦有水準，皮薄酥香，入面嘅餡料有紅蘿蔔、雞肉、磨菇粒等，口感好豐富。
跟餐飲品點咗紅豆冰 (+$7) 同 凍奶茶 (+$3)，睇下杯紅豆冰幾多豆，真係足料到爆，入口豆味重之餘，亦不失奶香。至於杯凍奶茶質感亦很幼滑，茶味香醇濃厚。
張貼
