魔膳工房 (已易手) 新餐廳

星期一至五限定優惠半價超抵嘅tea menu。即係三十幾蚊就食到個飯，我見到䣓離枱嘅size 都唔少呀，加廿蚊有埋湯同餐飮。不過想食牛扒所以我地叫左午餐。餐湯有羅宋湯同南瓜忌廉湯，有水準，麵包係暖嘅，不錯。香煎紐西蘭西冷配黑椒汁跟薯角 $138點左五成熟，實際應該七成熟，有牛味有嚼勁，好厚切，薯角夠脆不錯。和風鰻魚燴椰香意大利飯 $82出乎意料咁好味！椰汁味好清香唔會覺得膩，飯軟硬剛好！鰻魚切粒，每粒都沾滿鰻魚汁甜甜地。推介！熱桂花蜜花茶 跟餐 +$3甜度剛好，好清香。藍柑檸檬梳打 跟餐+$5藍柑冇特別味，只係得個顏色，檸檬梳打好清新解渴。總括，大件夾扺死。