焯記

營業中

休息中

咁啱經過呢條街見到有間新開嘅車仔麵店❤️焯記❤️就等我嚟試吓先，雖然呢度嘅款式唔算多，但係基本上想食車仔麵嘅，碟頭飯嘅都有，價錢仲超實惠，食到飽$200都唔使有找😆🐮咖喱牛腩飯 $55 :我哋叫咗個飯，份量適中，咖喱味夠晒濃，呢個價錢嚟計牛腩都算多👍🏻，仲要啖啖肉，算唔錯😋🍜粉麵 $60 :佢呢度嘅湯麵類同出邊嘅有啲唔同，主要嘅係上海麵為主，其次仲有油麵生麵等，湯底較為清淡，幾適合我😆，我就揀咗炸雞翼，竹筍雞絲，牛丸生麵，咁多餸加加埋埋都係$60，超抵食😋，超值得一讚嘅係炸雞翼👍🏻，睇佢炸到金黃色，色澤較淡就知佢哋用嘅並不是千年油，所以炸完出嚟皮夠薄，完全冇油益味，又夠脆🤤，仲要雞翼入面有肉汁，食落好嫩，推介推介👍🏻👍🏻🐷炸豬扒 $33 :另外就叫咗一份炸豬扒小食，其實佢哋嘅炸嘢都相當唔錯，好似呢份豬扒咁厚肉得來又夠大份😆，外面鬆脆，裏面嘅肉又唔會靭，反而口感唔錯添，食落都唔太覺有雪藏味，仲會幫你切件方便一啖一件👍🏻🥬油菜 $18 ，🤍冷豆腐 $18 :小食方面，我哋嗌咗一份菜心同埋冷豆腐，豆腐加咗醬油木魚絲，都係滑豆腐嚟，夏天食特別開胃😆🍢滷水小食 $13 :另外叫咗兩串滷水小食，墨魚同