豐樂拉麵 (已結業)

今日去屯門雅都商場附近睇戲，睇之前去商場入面，近排新裝修好既Go Go Mall行個圈搵野食。行完一圈，入面大約有廿間不同款式既食店，但本人好鍾意食拉面😋所以決定食入面唯一一間拉面店---豐樂拉麵🍜睇一睇個menu，有好多湯底揀，我地就揀左海老醬油同埋辛辣豚骨。豐樂係用幼麵嘅，我地用左替玉無料卷(貼住左係係鋪面，要自己拎)～免費加麵底🤤要係點餐個陣交比職員，唔可以食完麵先話要加底嫁🙉海老醬油拉麵（$68）個湯底好有蝦味，濃度適中，唔怕喊🤗碗麵好多櫻花蝦，真係名副其實既海老醬油拉麵🦐係出面既拉麵鋪，海老湯拉面大多要$80以上，樂豐真係抵食👍辛辣豚骨拉麵（$75）見佢係店長推介，所以期望都會高d。但係食落就平平無奇，佢既辣似係中國炸醬麵既味道，完全唔覺係日本風味。所以就麻麻地😂另外，我地加左一隻味玉（$10）🥚 無流心😿