滿屋廚房 (已結業)

今日約咗FRIEND係鑽石山睇戲加食飯，係荷里活廣場揀咗呢間餐廳，貪佢好似好多唔同類型的嘢食，價錢又唔貴。等位個陣係門口睇咗一陣，有部好得意的扭蛋機，同埋有好多唔同種類的精品賣。我哋叫咗一個滿屋 招牌喇沙，比起平時食的喇沙，味道較甜，辣味較淡，不嗜辣又想食吓喇沙的人可以一試!另一個主菜就叫咗10"的千島海鮮薄餅，餅底脆脆地，好足料，口感唔錯!另外叫了一個東南亞風味拼盤，有泰式魚餅、越南蔗蝦周埋金絲蝦卷，全部脆卜卜，配上泰式醬，食落口真係一流。餐飲叫咗杯青檸梳打，青檸味極濃!呢間餐廳咁近戲院，食物質素又唔差，我諗以後去睇戲的時候都可以再試吓!