Hungry Korean (亞士厘道)

營業中

休息中

朋友話韓國餐廳必去hungry korean, 而且係openrice得獎餐廳，對韓國食物情有獨鍾既我當然要試下。餐廳門口大排長龍，等左二十分鐘終於有位入得。去櫃台叫野食後好快就會有侍應送上，尚算唔錯。韓式炒粉絲個人幾鍾意食韓式粉絲，覺得都唔錯，幾香口。不過略嫌太咸，而且蒜蓉味太重，食完口有餘韻係事實。甜辣雞翼推介!!雞翼煮得好滑好林，而且個甜辣醬好食，唔太辣又夠香，非常韓式。同朋友一人兩隻都唔夠，決定加碼整多碟!正!韓式壽司分別叫左芝士同魷魚，好正好足料，食落去每件每啖都有泡菜蘿蔔既味道，芝士口感特別豐富。石頭鍋牛肉飯牛肉幾好食，但石頭鍋飯唔太特別，無咩驚喜，而且太少牛肉。早知叫多兩碟小食試下味，下次再黎會試鐵板燒配飯，應該會吸引。牛奶抹茶推介：) Hungry korean一向係走平價高檔路線，野食雖然平但就出乎意料既好質素，絕對值得一試！