東大門韓國料理 (已結業)

上次來東大門已經有差唔多年幾前，當時印象都唔錯，今日再來，感覺依舊，最值得讚依然係佢地燒烤爐，設計抽風良好，食完一啲都唔臭，話哂我地山長水遠坐車番屋企好尷尬嘅。餐牌上燒物選項唔算多，基本款式有齊，例如豬、牛、羊、雞肉、雞翼、肥牛卷、豬排骨、五花腩等。雖然主打韓燒，但一樣有自助區供應泰、日料理，例如炸物、冬蔭公、三文魚刺身、壽司等，全部自取。個人認為牛肋條、雞翼同原條五花腩比較好食雖然預先醃過，但冇過份重口味。五花腩原條，都厚身，而且有生菜任食，包肉食冇咁膩。最後拎左一碟西瓜食，去油膩啊；臨尾食左碗南瓜露，味道比想像中好，裡面除左南瓜肉，仲有芋頭，又幾香甜