影片
更多
2017-12-06
3573 瀏覽
偷得浮生半日閒，賴生同屈小姐今日都難得地可以休半日，當然要把握時間，將今日要買既野買晒，入去美食天堂之一既黃埔搵食！而屈小姐一早Mark定賴生話要食《滄浪亭》！係去之前，都係咁意行一行消化下先等一陣可以開辟盡個胃既空間裝晒所有野食，所以我地行左去黃埔最近新開冇耐既《X號水產》。去到果邊，賴生同屈小姐發現左⋯我地2個人包場咁濟⋯人都唔多個，門口果2間餐廳其中一間除左入面冇人之外，個2人檯既叫號係A1，即係成日去到7點只係得1檯客（謎？）。行完個圈之後，都係時候番去食《滄浪亭》開餐，到達門口既時候發現⋯已經有坐滿座，賴生同屈小姐要等位入座。而門口有擺放2張櫈等人坐低等位，不過賴生同屈小姐排3同4，我地只好企係門口條窄小走廊等候。其實舖頭好細，真正小店，只有5張枱既位置，大約容納到18-24人，而開放式既廚房已經佔用左舖頭3分之1既空間，人多既時候，老闆同員工們只好發揮營商既小智慧，讓5-6人一圍既朋友圍坐於4人座上，而1-2人則要搭枱同食，雖然係逼D，但甚爲熱鬧，客人爲美食大快朵頤，老闆則可提高商業效益，美食當前，小本生意，互相配合吧當賴生同屈小姐就有位入座既時候，聰明既員工已經問定我地食
係去之前，都係咁意行一行消化下先等一陣可以開辟盡個胃既空間裝晒所有野食，所以我地行左去黃埔最近新開冇耐既《X號水產》。去到果邊，賴生同屈小姐發現左⋯我地2個人包場咁濟⋯人都唔多個，門口果2間餐廳其中一間除左入面冇人之外，個2人檯既叫號係A1，即係成日去到7點只係得1檯客（謎？）。
行完個圈之後，都係時候番去食《滄浪亭》開餐，到達門口既時候發現⋯已經有坐滿座，賴生同屈小姐要等位入座。而門口有擺放2張櫈等人坐低等位，不過賴生同屈小姐排3同4，我地只好企係門口條窄小走廊等候。
其實舖頭好細，真正小店，只有5張枱既位置，大約容納到18-24人，而開放式既廚房已經佔用左舖頭3分之1既空間，人多既時候，老闆同員工們只好發揮營商既小智慧，讓5-6人一圍既朋友圍坐於4人座上，而1-2人則要搭枱同食，雖然係逼D，但甚爲熱鬧，客人爲美食大快朵頤，老闆則可提高商業效益，美食當前，小本生意，互相配合吧
當賴生同屈小姐就有位入座既時候，聰明既員工已經問定我地食乜，提早入單準備，節省其他客人等候既時間，而我地一入座既時候，美食經已傾巢而出正好醫治我倆近乎魂斷既身體
雞絲粉皮
$33
56 瀏覽
0 讚好
0 留言
1）黃金比例雞絲粉皮：5⭐️
先黎一道經典涼拌菜 - 雞絲粉皮，拿捏比例恰當，實在值得一讚，不論雞絲，粉皮定係麻醬，份量都恰到好處，食完之後，成個碗只剩下麻醬消逝既痕跡
粉皮：與河粉大小粗幼無異，有著麵既長度，高度既彈牙及爽滑，吸盡麻醬後，甚是美味！食落好似一碗粉皮口感既麻醬麵！
雞絲：雞胸肉手拆成一絲絲，雞味重，口感如絲般細膩，滲入麻醬後亦不失雞味，與粉皮爽滑既口感形成鮮明對比，連粉皮食可謂集美味、口感及樂趣於一身
麻醬：花生香甚是濃郁，芝麻亦能發揮香味，的確一絕！而且毫不吝嗇，唔會有唔夠醬既情況出現！同時又唔會因爲太多醬而過重口味
燜青菜
$20
37 瀏覽
0 讚好
0 留言
2）燜青菜：5⭐️
再黎係一小碗燜青菜，一小個碗仔大約收藏8棵小棠菜，雖然唔算多，但美味卻濃縮於呢一小碗青菜之中！雖則賴生同屈小姐都係愛菜之人，對青菜類既食物比較有健康分既加成（畢竟食多D菜健康d麻），但呢碗菜絕對唔可以睇小！
佢將小棠菜本身有既微苦味都燜走左，剩番既只係佢本身既菜甜味，而且又唔會燜到過淋一Pat Pat，可謂香甜淋集於一身，一啖一棵，滋味又滿足。
香酥雞麵
$45
55 瀏覽
0 讚好
0 留言
賴先生之選：
3）香酥雞麵：4⭐️
由於間舖頭實在太細，唔難睇到人地食乜，同廚師既新鮮出品，係等候既時候，屈小姐留意到每檯都有1碟類似炸雞粒既物體，而上面淋左黑色既汁，賴生以為係香酥雞黎，點知落左單之後先發現原本係糖醋骨黎
因為一個美麗既誤會，賴生就食到呢碗香酥雞麵，當中雞好，麵既表現平平，所以整體只能拎到4⭐️
香酥雞麵 之 香酥雞
42 瀏覽
0 讚好
0 留言
3a) 香酥雞：4.5⭐️
先講好既，廚師細心地將碟雞另上，令炸雞不致被湯浸淋，很好！而香酥雞用上原塊雞扒新鮮炸起，外層酥脆無比，一咬下去碎屑四飛，連斯文既屈小姐都食到碎屑外皮四濺，可想而知有幾脆，而內裡雞肉嫩滑多汁，帶甜味，甜味令食落感覺不單冇咁油膩，亦彷似冇咁熱氣！唯獨係外層上皮似乎厚左一D，不過唔厚又好難炸到香酥既效果，略略扣半星啦
香酥雞麵 之 湯麵
43 瀏覽
0 讚好
0 留言
3b) 湯麵：3⭐️
呢碗湯麵呢，份量豪爽，蔥花同麵量都落得勁重手，堪稱大碗麵，只可惜湯底味道平平，較為清淡既一碗湯麵，湯底幾乎只帶淡淡蔥香，只能果腹之用。賴生要加辣醬先覺得有番D味道，由於份量充足關係，合格啦。
嫩雞煨麵
$45
118 瀏覽
0 讚好
0 留言
屈小姐之選
4) 黯然銷魂嫩雞煨麵 : 爆5⭐️
至於呢碗嫩雞煨麵先係呢間野必食既一碗麵，每次造訪有第三期選擇困難症既屈小姐都可以鐵定心腸揀定食呢碗麵，你就知道，呢碗麵鮮味十足，威力勢不可擋!!!
佢將雞扒切粒，醃成咸雞，再加入小棠菜粒，將咸雞粒既味道同小棠菜味煨入湯底中，令原來落左奶既湯底更帶一份雞既鮮味，濃郁有致，而每條麵條都吸晒湯汁既味道，啖啖鮮味，而且不論雞粒，菜粒同麵既份量都落得疏爽，屈小姐一個女仔當然食唔晒，慶幸既係佢有位大食男朋友賴生幫佢食左3份之1碗(不過賴生見到隔離檯5個女仔分2碗麵食咋，當然有其他小食! 可想而知個份量都幾重下)
不過今次食可能因為雞醃得重手左，除左雞粒稍微偏咸左少少之外，個湯底偏咸左少少，但係可接受既程度黎既!!
平心而論，《滄浪亭》既湯麵實在係平平無奇，但當你叫著煨麵既時候，你就發現呢間小店既真正強大之處，除左強大既煨麵，大份量既食品而收費相宜亦係佢既賣點之一，你可以見到不少女仔分享食物，男仔1個人食1碗麵都足夠飽，賴生同屈小姐食左4樣野，食到2個人捧住個肚走，都只係收費$139，以一餐晚餐黎講，真心化算!!
所以，下次賴生同屈小姐已經決定左!! 2個一齊叫煨麵食，屈小姐會繼續食嫩雞煨麵，而賴生會叫肉絲煨麵，再另外加小菜，例如糖醋排骨，雞絲粉皮同燜青菜等等，齊齊感受小店既強大!!
#路再遠，只要有好西，我們都會去
#選擇困難症特效藥物
#食多D野先會快D好番
#What a happy day
#平民美食
#小上海藏於黃埔中
張貼
