素來素往 (已結業)

最近同朋友傾開想搵間素食餐廳試吓，比我搵到大角咀呢間素食自助餐，有好多款式揀，啱晒我地😋。餐廳會每人提供碗碟餐具🍴，食完野就要自己放返去清潔區位置。食物方面有提供好多中菜、炸物、粉麵、沙律、涼小食、湯水、壽司、蔬菜卷、甜品，啲素食食物種類好多可以每樣都試下。我覺得呢間素食餐廳食物質素唔差，味道唔會淡味，性價比好高，自助餐嚟講款式真係好多，而我最鍾意食佢地個煎釀三寶，完全唔似食緊素食，中間個素魚肉好彈牙。下次會帶埋屋企人嚟試吓。