辣蟹莊 (已結業)

同成班麻甩佬去食飯，首選任食同抵食諗住打邊爐，見到門口有蒸鍋，價錢$198，比邊爐多少少錢，但多左海鮮併盤食，就試下海鮮併盤（唔係任食，每樣一份），包括龍蝦半隻，鮑魚1隻，聖子，蜆同蝦等，每樣都新鮮（d蝦仲郁），賣相唔差，份量都足。龍蝦面有大量蒜頭，肉質爽甜，但鮑魚冇清內藏，有d異味其他邊爐配料就免費，如丸，餃，菜等，唔算特別。飲品方面加20蚊任飲汽水，但唔包啤酒，就另外點2支新力。臨走時，阿姐因隔離枱開錯啤酒，就新左支比我地環境就差d，一分錢一分貨，算係咁