喜聚坊

營業中

休息中

寶哥私房菜好出名，身邊有幾個朋友都勁推介，今日去大角咀約埋個friend一齊去試下去佢嘅午餐。午餐有好多選擇有碟頭飯同埋炒粉麵飯，今日試咗呢個果醋豬扒、蟹油鮮魷炒乾麵同埋小食黃金豆腐。首先一人上咗一碗湯，餐廳強調一啲味精都冇，而且好足料，湯渣同埋湯嘅比例係一比一咁掣，好誇張，超濃味，好似屋企煲嗰啲咁，好好飲！之後上咗個果醋豬扒，豬扒入味，軟淋淋，好好食。而我最欣賞嘅係個炒乾麵，味道好濃沃，唔係死咸，好有層次，而且炒到好乾身，好有鑊氣，超級推介！！！由於太好食，加多個小食，黃金豆腐，呢個又係一絕，外皮炸到好脆，入面超嫩滑，都係必食之選！由於太好食嘅關係，我同個friend已經商量約埋其他人去晚市試佢哋啲手工菜！