季稻 (已結業)

今日同大哥出去食飯，係都要話想食泰國野，所以去左呢間泰國菜我地黎既時候大約係6點幾，餐廳都冇咩人，但後來發現好彩黎得早，都唔使15分鐘就坐滿晒，睇黎我地今日既選擇應該都唔錯豬頸肉炒飯 - 呢到野食既份量都唔少，一碟大既炒飯，仲要滿滿既豬頸肉，豬頸肉好酥軟，好有豬肉味，亦唔會太靭炸薯條配特色泰國香料 - 呢個 Fries 外表唔算太出眾，但真係好新鮮，好脆，再配埋佢嘅特色泰國香料肉碎粉絲湯 - 好多粉絲，浸左係肉湯入面索晒啲味，好平凡嘅嘢但係都好有泰國特色炸蝦餅+炸春捲 - 食泰國嘢唔食炸嘢，就好似食日本嘢唔食壽司咁，其實佢呢度炸嘢都幾新鮮幾 Crispy ，而且個蝦餅入面嘅質感幾彈牙椰汁沙冰 - ，豐富嘅椰汁味，甜度啱啱好椰汁西米糕 - 作為泰國菜數一數二嘅甜品，唔算係啲好複雜嘅嘢，但係就可以為呢一餐飯畫上一個完美嘅句號。