凱日粵菜館

營業中

休息中

公司book枱，有兩圍人喺房食飯間房就有一個侍應負責上菜嘅好好笑地，上緊第一道菜嘅時候，無端端有個黑衫嘅呀姐叫我哋房個侍應去隔離房沖茶、裝水（完全黑人問號）個侍應又真係走咗去，等咗一排都無返黎，搞到得一圍有嘢食，另一圍12個人坐喺到，張枱咩都無我同事就出咗去跟進啦，搵到個高瘦嘅男部長，諗住問下究竟我哋房個侍應係要睇幾多間房🙄無理由佢有2圍客要serve之餘（講緊真係要逐碟上2張枱），仲要睇其他房呀嘛，分身都唔得啦我同事都未講完，個男部長超無禮貌，一黎就喺到大我同事，話「我識你老闆架！」「我係做生意嘅，咩事呀而家！」「你叫個侍應出嚟同我講！」成程我哋就喺到聽佢發爛渣（難聽啲講，部長當自己係大佬咁講數，服務業喎😀）大佬，你識我哋老闆咁又點呀？而家係你哋啲呀姐叫走咗我哋個侍應，我哋出嚟了解情況要調返轉頭比你喺到鬧？咁樣鬧客都有嘅。之前就咁喺出面大廳到都食過幾次，又係完全under-staffed ，啲侍應會越叫越走，加上今次嘅經驗同本身食物都唔係特別好食，呢間嘢真係不了。