亮亭 (已結業)

平安夜當日，下午才約了朋友行街兼睇戲！ 放工後，中午時段我自己在上環找地方醫肚！走到上環區其中一條食街 - 禧利街， 經過 <亮亭>，見到有新口味拉麵，況且價錢合理！走入去，食客只有兩枱，店員安排我坐在後半部分位置！幸好！今次我不用面壁思過！期間，見到 notice board 拉麵比賽花絮，有參賽者可食到 3 ~ 9 碗拉麵！嘩！ 對我來說，一碗拉麵已經足夠有餘！還看到美食相片，真惹人垂涎！尚未決定食哪款拉麵，女店員先遞上一杯熱水，可清一清喉嚨之餘，又可解渴！真是來得正好！一打開 menu 見到碗拉麵模樣，好驚喜！新口味拉麵： 南瓜湯叉燒拉麵 $62 ( 要加一服務費 ) 賣相的確吸引！單看賣相，可感受到拉麵師傅誠意，將每款配料嘅悉心舖排！ 完全 cover 主角拉麵，令我食指大動！ 南瓜湯底以南瓜蓉打得很細滑，濃郁無比！ 食到尾呈糊狀！ 拉麵份量不少，但略帶鹼水味！不太討好！ 亦缺乏彈牙口感！配料方面，南瓜片用上日本貨色，難怪這麼清甜。 半隻糖心雞蛋，尚算入味！ 日式魚蛋有3 塊，入口凍冰冰！ 至於日式叉燒，完全不似日式叉燒，與半肥瘦豬腩肉無異！ 芝麻炒過很香口！