影片
更多
2007-12-26
1 瀏覽
前言：平安夜晚同我女人兩個人出o左旺角因為好唔鍾意大時大節要俾多幾倍價錢反而換取低o左o既食物質素所以D巧立名目o既「聖誕大餐」向來都無我分自助餐平o既係潲貴o既就真係好貴......最後當晚就即慶膽博膽去o左呢度內容：叫o左o既係二人餐1) 炭燒豬頸肉豬頸肉本身唔係話十分出色只屬中規中矩值得留意o既反而係附帶o既醬並唔係裕記5蚊一樽o既雞醬或者典型o既麥記泰式辣醬佢用o左好多香料係一個汁rather than係一個醬味道酸得黎都幾辣有誠意2) 紅咖哩牛腩咖哩一D都唔辣好甜叫紅咖哩o既唯一原因係佢用o左個紅色o既兜去裝牛腩亦唔韌而且份量好夠唔會係一大盤稀溜溜o既咖哩浸住三數粒牛肉乾o個D3) 馬拉盞炒油麥菜我未試過響街食馬拉盞炒o野會咁有誠意好很多馬拉盞......佢幾乎係一個油麥菜炒馬拉盞......但係又唔會太咸難得4) 特飲青檸冰要加6蚊根據員工介紹加埋我自己o既觀察佢係一個用D細細粒青色o既果實榨汁再打出黎o既smoothies類物體員工強調D細細粒青色o既果實並唔係青檸(但係佢個名又咁叫......)但係又唔知係咩總之係酸杯o野雖然略淡不過我認為值得加錢去飲5) 白飯一人一碗
平安夜晚同我女人兩個人出o左旺角
因為好唔鍾意大時大節要俾多幾倍價錢反而換取低o左o既食物質素
所以D巧立名目o既「聖誕大餐」向來都無我分
自助餐平o既係潲貴o既就真係好貴......
最後當晚就即慶膽博膽去o左呢度
內容：
叫o左o既係二人餐
1) 炭燒豬頸肉
豬頸肉本身唔係話十分出色
只屬中規中矩
值得留意o既反而係附帶o既醬
並唔係裕記5蚊一樽o既雞醬或者典型o既麥記泰式辣醬
佢用o左好多香料
係一個汁rather than係一個醬
味道酸得黎都幾辣
有誠意
2) 紅咖哩牛腩
咖哩一D都唔辣
好甜
叫紅咖哩o既唯一原因係佢用o左個紅色o既兜去裝
牛腩亦唔韌
而且份量好夠
唔會係一大盤稀溜溜o既咖哩浸住三數粒牛肉乾o個D
3) 馬拉盞炒油麥菜
我未試過響街食馬拉盞炒o野會咁有誠意
好很多馬拉盞......
佢幾乎係一個油麥菜炒馬拉盞......
但係又唔會太咸
難得
4) 特飲青檸冰
要加6蚊
根據員工介紹加埋我自己o既觀察
佢係一個用D細細粒青色o既果實榨汁再打出黎o既smoothies類物體
員工強調D細細粒青色o既果實並唔係青檸(但係佢個名又咁叫......)
但係又唔知係咩
總之係酸
杯o野雖然略淡
不過我認為值得加錢去飲
5) 白飯
一人一碗
問o左佢唔夠有無得加
佢笑住咁答我：「5蚊一碗」
......
總結：
座落女人街o既食肆
好多都水準低劣
更有不少掛羊頭賣狗肉濫竽充數o既無恥之徒
紅辣椒可以話係少數真係提供要「食物」水準o既其中一間
其食物質素當然唔係一等一
但係以此價錢絕對值得再試
張貼
