茶檔

營業中

休息中

每次嚟到香港仔，都好想幫襯快樂茶檔，不過由於佢收得早，所以一直都只係望門興嘆。尋日六點鐘嚟到，終於有機會光顧。由於時間尚早，唔太肚餓，於是揀咗個懷舊常餐。厚多士牛油幾多，亦烘得夠熱夠脆，好香口；火腿蛋奄列份量唔多，炒蛋亦略嫌太老，幸好味道正常。重點係個沙爹牛肉麵，一上枱見到沙爹汁嘅顏色就知道係我鍾意嘅味道。試一啖，果然帶甜味，雖然花生味欠奉，但醬汁嘅濃度足夠，牛肉份量亦非常多，整體唔錯，而可以揀福麵就更加 very good 啦❤️。