8
1
0
等級3
43
0
平常價格高水準西餐
2023-02-07 489 瀏覽
元朗一向多嘢食，今日又喺元朗周圍行吓，意外地發現雞地附近多咗間細細哋嘅餐廳！於是同行成班人一齊入去試吓。鋪頭細細咁，但入面原來有電視機，裝修北歐簡約風，一班人打下卡都唔錯。店內燈光好似特登未開哂，但呢個環境下傾下計，大家都覺得氣氛幾好😆Menu望落正常西餐，但原來美味盡在細節中！蜜桃伴手打墨魚餅🍑用桃嚟伴襯已經好清新，墨魚餅好彈牙同啖啖口感，好足料呀！四重芝味芝士Pizza🍕芝士味濃郁多層次，批底唔算太厚，少澱粉令芝士無咁容易飽同膩，細細地share食可以食更多嘢😋炸日本蠔意大利飯估唔到呢度嘅意大利飯係正宗意大利米嘅，比較硬身果種😚平時食到都係太冧嘅珍珠米版本，果然元朗係有啲隱世小店！炸蠔好脆又juicy，食嘅份量好足又夠飽☺️焦糖豬扒配薯條🍟鎖住咗肉汁嘅豬扒，點落焦糖汁一齊食，配搭起上嚟又幾好喎！又有豬扒嘅咬口，又有甜甜地嘅味道😚青檸大蝦意粉🍤呢樣係私心推介🥰雖然望落意粉好似會好滯，但呢碟意粉食落好清新同彈牙，係健康輕盈之選！啲蝦都調味好好。老闆娘見我哋幾個人，都會傾吓計介紹吓唔同嘢食，幾nice😄 問落原來有得飲啤酒，不過得1664😌餐嘅份量都幾多，大家都食到飽飽，但唔似一般西餐咁有
更多
元朗一向多嘢食，今日又喺元朗周圍行吓，意外地發現雞地附近多咗間細細哋嘅餐廳！於是同行成班人一齊入去試吓。

鋪頭細細咁，但入面原來有電視機，裝修北歐簡約風，一班人打下卡都唔錯。店內燈光好似特登未開哂，但呢個環境下傾下計，大家都覺得氣氛幾好😆

Menu望落正常西餐，但原來美味盡在細節中！

26 瀏覽
0 讚好
0 留言
蜜桃伴手打墨魚餅🍑
用桃嚟伴襯已經好清新，墨魚餅好彈牙同啖啖口感，好足料呀！

25 瀏覽
0 讚好
0 留言
四重芝味芝士Pizza🍕
芝士味濃郁多層次，批底唔算太厚，少澱粉令芝士無咁容易飽同膩，細細地share食可以食更多嘢😋

25 瀏覽
0 讚好
0 留言
炸日本蠔意大利飯
估唔到呢度嘅意大利飯係正宗意大利米嘅，比較硬身果種😚平時食到都係太冧嘅珍珠米版本，果然元朗係有啲隱世小店！炸蠔好脆又juicy，食嘅份量好足又夠飽☺️

37 瀏覽
0 讚好
0 留言
焦糖豬扒配薯條🍟
鎖住咗肉汁嘅豬扒，點落焦糖汁一齊食，配搭起上嚟又幾好喎！又有豬扒嘅咬口，又有甜甜地嘅味道😚

28 瀏覽
0 讚好
0 留言
青檸大蝦意粉🍤
呢樣係私心推介🥰雖然望落意粉好似會好滯，但呢碟意粉食落好清新同彈牙，係健康輕盈之選！啲蝦都調味好好。

老闆娘見我哋幾個人，都會傾吓計介紹吓唔同嘢食，幾nice😄 問落原來有得飲啤酒，不過得1664😌

餐嘅份量都幾多，大家都食到飽飽，但唔似一般西餐咁有跟餐湯同麵包🥯

一般餐廳嘢飲都有齊，不過如果有啲特飲就更好啦！
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食
人均消費
$100 (晚餐)
推介美食
  • 青檸大蝦意粉