影片
更多
2021-11-24
249 瀏覽
好多個月之前黎過呢間位於銅鑼灣利園二期既NINETYs Roastery食晚餐，上次非常精緻既菜式同厨師既心思令我留下深刻印象。今日下午黎食個午餐，試試有無唔同先。NINETYs Roastery主打澳洲菜。餐牌都幾特別，有休閒同精緻菜式，又有分肉，鮮，素等。白天同黑夜餐牌唔同。日間黎選擇會多啲，有多士，薯條等。飲品當然有咖啡，仲有茶，果汁等等。我哋每人叫左一個主菜同一杯飲品。Hamachi and Scallop Cold Udon $198 另加一Diced hamachi, diced Japanese scallop, salmon roe, squid ink tuile, dill, passion fruit, honey vinaigrette, inanuwan udon, superior fish stock呢個Hamachi and Scallop Cold Udon係新菜式，用塊樹木形板加左鹽花放左碗迷你冷烏冬同另上嘅魚湯上枱，好精緻。烏冬上面加左油甘魚同帶子刺身粒，仲有三文魚籽，刺身尚算鮮甜，另外仲有少少菜苗，上面再加一片脆身紫菜。烏冬唔係有咬口嗰啲，比較稔
NINETYs Roastery主打澳洲菜。餐牌都幾特別，有休閒同精緻菜式，又有分肉，鮮，素等。白天同黑夜餐牌唔同。日間黎選擇會多啲，有多士，薯條等。飲品當然有咖啡，仲有茶，果汁等等。
我哋每人叫左一個主菜同一杯飲品。
Hamachi and Scallop Cold Udon $198 另加一
Diced hamachi, diced Japanese scallop, salmon roe, squid ink tuile, dill, passion fruit, honey vinaigrette, inanuwan udon, superior fish stock
呢個Hamachi and Scallop Cold Udon係新菜式，用塊樹木形板加左鹽花放左碗迷你冷烏冬同另上嘅魚湯上枱，好精緻。烏冬上面加左油甘魚同帶子刺身粒，仲有三文魚籽，刺身尚算鮮甜，另外仲有少少菜苗，上面再加一片脆身紫菜。烏冬唔係有咬口嗰啲，比較稔身。最驚喜係個汁，原來下底係有熱情果同蜜糖汁，所以食落甜甜哋好清新，加埋個唔油嘅魚湯都ok喎，仲有熱情果核咬吓。呢個份量較細，肚餓人仕要注意。
Siu Wan Rice $188 另加一
Char siu, 2 sunny side up eggs, asparagus, cherry tomatoes, Japanese rice
Siu Wan Rice主角有叉燒4片，唔係一般叉燒嗰啲位，而係較瘦嗰啲所以要咬吓，個汁就甜甜哋味道唔錯。餐廳用日本蘭王蛋煎成嘅太陽蛋好食，蛋黃超橙色，蛋汁好味。墊底嘅日本米份量唔少，食落質感唔錯，撈叉燒甜汁食用好味。配菜有3粒車厘茄，1條蘆筍同好多菜苗，仲灑上蔥花同黑白芝麻粒調吓味。
Iced Apricot Houjicha $58 另加一
Fruity, roasty, citrusy
焙茶同杏嘅味道都夾得唔錯，我第一次試呢個組合。
Blueberry Cupcake $58 另加一
Sweet, woody, hint of vanilla bean
見呢款Blueberry Cupcake飲品好得意，即管試試。Blueberry Cupcake用一個茶壺仔裝住，一倒出黎就聞到好香雲呢拿味。飲落帶微微藍莓味。
雖然食物好似份量細細，不過飲哂啲野都幾飽。
張貼
