影片
開飯介紹
店主曾於美國世界咖啡拉花比賽中奪得亞軍，並曾於台灣及悉尼開設cafe。餐廳提供多款咖啡豆，食客也可與店員交流咖啡心得。菜式則以澳洲菜為主，且賣相精美。
繼續閱讀
營業時間
今日營業
08:00 - 21:00
星期一至日
08:00 - 21:00
以上資料只供參考, 請與餐廳確認詳情
相關文章
這間咖啡店一直是我心中的首選，特別是他們的咖啡，使用的是帶有堅果或水果香氣的咖啡豆，風味獨特。咖啡的溫度非常熱，正正是我喜歡的喝法，讓我在寒冷的日子裡倍感溫暖。除了咖啡，這裡的全日早餐也無得輸！份量十足，讓人一見就心滿意足。這份早餐包含了豐富的配料：新鮮的牛油果，滑嫩的炒蛋，特製的叉燒，煙燻三文魚，香菇，羽衣甘藍，以及香腸。每一種食材都經過精心準備，味道相得益彰。尤其是特製叉燒，味道獨特，配合滑嫩的炒蛋，簡直是絕配！這裡的全日早餐不僅好吃，而且健康，讓我每次來都忍不住想再點一次。如果你在銅鑼灣，千萬不要錯過這家咖啡店的全日早餐！
繼續閱讀
搵位度：🌟🌟🌟🌟抵食度：🌟🌟好食度：🌟🌟🌟🌟佢未改Menu之前真係好欣賞佢，希望佢舖頭老闆見到comment可以改返舊嘅lunch Menu，相信佢睇數字都見到而家中午時段成間舖頭真係吉晒。以前嘅Menu有個自選沙律碗，雖然唔係平都接近$100，但配料充實配上一個極清新嘅沙律醬真係好正，其他午餐亦都好好食。新Menu接近$200都冇餐飲，需要另外叫一杯，內裏食物雖然選擇都好多都好精緻，不過始終及唔上以前嘅餐單。
繼續閱讀
嚟到利園二期嘅NINETYS，諗到同男朋友嘆下咖啡食下嘢，不過食物質素失望到食唔落😖我哋嗌咗杯Dirty同Milk Chocolate，兩杯都正正常常，另外嘢食就嗌咗 Signature嘅Chicken Waffle，份量都幾足料，不過一望到塊窩夫上面嘅醬汁多到有啲泛濫就開始覺得唔對路🙈炸雞一切開皮肉已經分離，而炸衣亦十分之厚，一路食啲炸衣就一路跌出嚟🤧窩夫唔知係咪被醬汁浸到淋哂，食落同炸雞嘅口感唔算太夾。而最大嘅敗筆位係佢個汁，見menu寫係homemade嘅pineapple jam，本身諗住食落酸酸甜甜會係好開胃，但因為太多汁而且味道好甜，食落好唔夾🤧我哋都冇食哂就埋咗單🥲的確係有啲失望
繼續閱讀
一行四人想揾個位食飯傾計，見評語這間咖啡店靜靜地又Chill 便撰咗佢。間餐廳最大的問題係服務質素。唔係希望話要去到酒店級，雖然佢價錢已經都唔平，但最基本應有的待客態度都無。平日晚上七點，成間餐廳唔滿，淨係得一個全程黑面的男待應，不論是麻煩佢影張相或要杯水，都無應過一聲，做完就走，更莫講話期待佢會主動幫你加水，一次都無。餐廳營業時間寫住0800-21008點左右已經冷冰冰地問last order8點20分已經要我哋出去埋埋張單 最離譜嘅係8點45分，個侍應走過來企係我哋張枱邊，好似大佬款咁交叉雙手放胸前，超唔友善地同我哋講 「我哋宜家要關門 你哋要走了!」成過過程啲語氣簡直令人氣結!只係未攞支掃把出來打我哋咁!!咁嘅服務態度有無搞錯!!
繼續閱讀
年尾同老友一聚，叫左沙律，漢堡包，pasta，食物一般正常。餐廳問題喺男 waiter 態度非常差，重要我剛從深圳回來吃晚飯，極大反差，同佢講等於同空氣講嘢冇回應，第一次聽佢講嘢就係指示last order（唔喺溫馨提示，喺發出指令），到收舖時間叉住隻手喺胸口好唔耐煩企喺直喺枱前咁同我地嚴正指示夠鐘收舖，請d 咁嘅人做嘢影衰晒香港服務業，唔怪得個個都北上。硬件環境ok ，食物正常，但咁嘅樓面完全喺趕客，想開心聚會唔受人氣唔使諗呢度。今時今日咁嘅服務死得，地點喺CWB利園，唔喺茶記，服務大排檔都不如，而家好咖啡店大把，唔會再回頭。
繼續閱讀