鳴虎 (東港城)

營業中

休息中

位於東港城一田超級市場內的鳴虎拉麵，喺好多地方都有分店。今日見喺附近買完嘢，就喺度食個快飯。座位以吧枱為主，坐得無咁舒服 但為左快就無乜所謂。綠虎是葱油做湯底拉麵，入口湯底不會太濃，有清新的葱油香。另外麵質彈牙，配有木耳絲，幾爽口。仲有味付蛋都幾入味，一碗真係剛剛好。鳴虎蝦拉麵用上蝦味噌，一上枱已經有淡淡的蝦湯咸鮮味。飲落咸咸地，配以掛湯的拉麵，沒有挑剔之處。最後點了波子汽水可樂味，夠哂透心涼。除咗拉麵，仲有好多唔同嘅飯類和小食，下次想解決晚餐的煩惱，有多一個選擇！