食意 (已結業)

朋友生日，佢係深水埗返工，上網搵一搵見到呢間環境唔差嘅意大利餐廳，就一於即刻打電話book位。嚟到呢度環境好光猛，坐位有空間，坐得舒適。前菜-意大利薄餅，香脆可香。配搭埋秘制茄蓉醬，既酸又清新😍意式風乾火腿配哈蜜瓜，火腿咸香味濃，食完唔會太咸同埋口渴。哈蜜瓜清甜，成件事好配合👍美國IBP Prime西冷配火箭菜及巴馬臣芝士，即使無任何醬汁都唔會dry，牛肉質嫩滑，肉汁豐富，只係加左海鹽同黑椒，原汁原味，熟度同煮法都完美演譯Prime西冷😋粉色汁莎樂美腸寬條麵，粉色汁即係蕃茄汁，酸酸甜甜，寬條麵煙韌有口感，加埋莎樂美腸嘅香脆，好有驚喜。飲品份量多，梳打同coke zero 好冷涼，爽哂😍😍總括而已，餐廳比我嘅感覺好好，友人亦好滿意呢餐慶生安排，由其呢度service 非常好，服務員每道菜都會細心介紹，以客為本，食物亦都係即叫即整，食物質素同新鮮度都有保證。最重要嘅係全日都無加一服務費，lunch仲有9折添👍👍香港罕有的良心企業，支持支持🤗