Project B (已結業)

放工去太子買啲嘢，難得出開嚟呢頭，就順便去埋朋友推介嘅呢間「Project B」食餐晚飯。餐廳主打型格工業風，環境光猛，裝潢雅緻，而且座位都很寬敞，好適合約友人去 Chill 下兼打卡！點咗個 Project B 精選二人餐 ($298)，套餐包是日餐湯 2 份、主菜 1 款+意粉/意大利飯 1 款+飲品 2 杯，+$60 可以配多一客沙律。是日餐湯為粟米忌廉湯，入口順滑，有粒粒粟米喺裡面。煙三文魚芒果什菜沙律 (+$60)  煙三文魚鹹香油潤，芒果甜美多汁，沙律菜新鮮爽脆，配上蜜糖芥末籽汁，好醒胃。春雞大大隻，熱辣辣，外皮燒至金黃色，雞皮薄脆、雞肉嫩滑，油份亦恰到好處，黑松露香氣十足，撕開雞肉還有肉汁流出，醃得好入味。伴吃嘅脆薯條，水準亦一流，炸至外脆內軟，加上有少少鹽調味，食落零舍有口感！軟殼蟹雜菌忌廉意大利飯，軟殼蟹炸得好香口，酥脆又不油膩，食落有鮮味。意大利飯做到 al dente，外層煙韌，內裡半生熟，食落咬勁十足，拌上菇粒同洋蔥，真係令人吃不停口。跟餐有汽水或果汁，+$35 可轉無酒精飲品，點咗杯 Ginger Pineapple，入口果味好香濃，加上混入咗薑啤，微甜微辣，