Home Sweet Home (已結業)

星期六難得放假便陪老公去金魚街買魚，順道在附近食午飯。忽然醒起有間餐廳提供 Semi-lunch, 食物質素和環境都唔錯價錢亦相宜；於是帶佢去碰碰運氣。因為上次與友人去食時要等半個鐘才有位。幸好時間尚早，餐廳內客人不多；服務員隨即招呼我們坐下並奉上 menu。老公真的唔敢相信主菜居然有五欵菜式可供揀選，而價錢由$58至$98不等。而自助沙律吧和甜品是任食的。薯仔忌廉湯忌廉湯很滑有香濃薯仔味，飲時還有些口感添。沙律 bar有新鮮沙律菜、蕃茄仔、紅腰豆、粟米、青瓜、紅菜頭和鸚武豆等等。美式燒西冷牛扒買相很靚，仿如星級食肆水準。六成熟的牛扒肉質嫩滑，切開時呈微紅色；牛味濃，最正的是沒有筋。黑豚肉野菌忌廉意大利飯大大件黑豚肉咬落 juicy不鞋口，分量唔少。意大利飯煙韌有口感，很香忌廉味；食落又 creamy。混合野菌令味道提升而不膩口。甜品款式都很多，如cheese cake、焦糖燉蛋、奶凍和朱古力蛋糕等等。