影片
更多
2019-04-18
97 瀏覽
喺香港，好食嘅西餐真係可遇不可求，唔係價錢貴就一定會好食，所以試過好多都貴得黎水準卻好一般。呢間餐廳係朋友極力介紹我嚟，一開始會覺得土瓜灣好唔方便，但既然講到又平又抵食，咁就梗係要來試吓啦。 店舖細細間，係做fine dining，只有Set dinner 供選擇，價錢$298已經可以食到四道菜，仲有牛扒添，平到有少少難以置信。後來店員解釋店舖本身有自己嘅農場，所以食材成本都會低啲，食材亦更優質。首先係前菜《西班牙黑毛豬24月熟成》以往食過好多既Ham都好咸又或者乾，難以入口，但呢個完全唔會。油份雖然多少少，但食落更加香口，從色澤睇已經睇到係好新鮮同埋優質，配上既蒜蓉包亦十分香脆，味道好好。《北海道珍寶帶子》帶子好大粒，煎得好香。中間仲有少少透明，所以係半熟既狀態，食落更加爽口同埋軟稔，口感好好。餐湯《薯仔大蒜湯》曾經飲過既薯仔大蒜湯係好稀，薯味亦好薄弱。不過呢個湯比較綿密，可以飲到極幼細既薯泥，令到成個湯既薯味更出，淡淡既蒜味提升層次同時唔會蓋過左薯香，好出色。《香蒜西班牙橡果飼養黑毛豬臘肉腸炒虎蝦》+$88臘腸本身有好多脂肪，而佢地就切左多餘既脂肪用來當做油去炒蝦，一上枱已經聞
店舖細細間，係做fine dining，只有Set dinner 供選擇，價錢$298已經可以食到四道菜，仲有牛扒添，平到有少少難以置信。後來店員解釋店舖本身有自己嘅農場，所以食材成本都會低啲，食材亦更優質。
首先係前菜《西班牙黑毛豬24月熟成》
以往食過好多既Ham都好咸又或者乾，難以入口，但呢個完全唔會。油份雖然多少少，但食落更加香口，從色澤睇已經睇到係好新鮮同埋優質，配上既蒜蓉包亦十分香脆，味道好好。
《北海道珍寶帶子》
帶子好大粒，煎得好香。中間仲有少少透明，所以係半熟既狀態，食落更加爽口同埋軟稔，口感好好。
餐湯《薯仔大蒜湯》
曾經飲過既薯仔大蒜湯係好稀，薯味亦好薄弱。不過呢個湯比較綿密，可以飲到極幼細既薯泥，令到成個湯既薯味更出，淡淡既蒜味提升層次同時唔會蓋過左薯香，好出色。
《香蒜西班牙橡果飼養黑毛豬臘肉腸炒虎蝦》+$88
臘腸本身有好多脂肪，而佢地就切左多餘既脂肪用來當做油去炒蝦，一上枱已經聞到好香。去除左大部分脂肪後既臘肉腸較瘦，降低膩度。而蝦因爲用臘腸油炒，所以咸香味更突出，好好味👍🏻虎蝦既份量好多，足足有12隻，超級抵食。
《雜菜沙津》& 《黑松露薯條》
呢兩款配菜都係任食。雜菜沙津一啲都唔馬虎，加左橄欖油同埋黑醋後，令到本身麻麻地食沙津既我都覺得好味👍🏻而薯條都好有驚喜，炸得香脆之餘仲有黑松露係面😍但唔配茄汁食會覺得乾。
《燒濕熟成美國牛肩排配醋青醬》
牛肩以慢煮方式烹煮，無血水既同時可以鎖住返肉汁，食落更軟嫩👍🏻扒既牛肩味好重，油脂紋幼細而且分佈好平均，juicy得黎又充滿油脂香👍🏻完全唔乾身，好味👍🏻
《西班牙豬鞍配黑醋》
呢個係廚師既是日精選，原本食唔慣非全熟既豬，點知好有驚喜！豬鞍完全唔會有好重既豬蘇味，而且食落好多肉汁，外皮略脆，亦煎得好香呀！個人覺得比牛更好食👍🏻
《芝士蛋糕》
口感扎實幼滑，芝士味都好重，細細件唔會過膩。
呢餐真係好滿意，食物好高質之餘又完全唔貴，呢個價錢食到fine dining真係好難得。值得讚既係侍應好有禮貌，每上一道菜都會細心介紹，可見餐廳無論服務定食物都好用心，值得再黎。
張貼
