Vision 8

去開荃灣，又再去左Vision 8食野，每次都有啲驚喜！😍首先講下烤咸豬手配酸椰菜，咸豬手真係好正，外皮烤到脆卜卜，咬落去仲有啲油香，內裡肉質又嫩又juicy。配埋酸椰菜，嗰個酸味啱啱好，唔會太搶味，成個配搭真係一流。😋再嚟就係西班牙風乾火腿薄餅，嗰個薄餅底一樣好脆，火腿鹹香味濃，真係一啖接一啖，食完一塊仲想食多塊，停唔到口。🍕酥炸魷魚圈都唔錯，外層炸到金黃香脆，內裡嘅魷魚圈真係勁彈牙，唔會太韌。仲叫左當日既是日餐湯配麵包，湯底濃郁，飲落去好暖胃，麵包烘到又香又軟，蘸埋湯一齊食，真係好正。😌出門口先留意到，原來佢哋嘅蘋果木燒西班牙黑毛豬鞍扒而家做緊3折特價，只係$80，真係超抵！👍🏻希望下次來仲有！🤣🤣