匠工房秀吉 (已結業)

呢日黎到沙田行街，人來人往既商場入面完全諗唔到食乜，又貴又唔好食，無曬頭緒。走去睇水牌，發現呢度有一田food court，於是決定去行下過下癮。呢度都幾多野食，大部份以日韓為主。一行入去發現呢間賣大阪燒章魚丸既店好多人等緊，望一望價錢發現唔貴，心血來潮決定一試！我叫左份三合一餐：有大阪燒、炒麵，同埋章魚燒，好大份好吸引咁。點完餐之後你會見到佢用鐵板預備，傳黎陣陣香味。攞左個餐我立刻試食，發現佢好足料，味道豐盈，仲粒粒章魚燒有隻大粒章魚，好有咬口！