讚好台灣

營業中

休息中

星期日食飯時段都keep住有人排隊， 不過都入得幾快，10分鐘左右，排隊會俾點餐紙你可以諗定食咩～♡滷肉鹽酥雞飯 $52滷肉比較少， 個飯係台灣島形狀， 不過飯有奇怪味， 又唔係穀糠味。配菜有全熟滷水蛋， 粟米同炸菜都無問題。♡餐飲加$12配台灣特飲：凍香芋奶茶如果可以加珍珠就好啦， 細個飲開好甜個種香芋奶茶味。♡肉燥香酥排骨湯麵（麻辣湯）$62排骨有南乳味， 炸得幾好食， 份量都大塊。 麻辣湯好多油， 唔建議揀。♡醬油蔥串大腸 $38脆皮炸得好好味， 入面加左蔥， 蔥都好好食， 爽脆， 但2樣唔係好match, 可以分開食。