泰興泰國菜館 (已易手) 新餐廳

西環餐廳越黎越多，泰菜好似就得两三間，好在有間又平又好食嘅。泰興就好似九龍城嘅泰國餐廳咁好地道樸素，今次帶朋友黎食，佢都話好食。1.冬陰功湯粉，啲料同冬陰功湯一樣，不過味比淨係湯淡佐少少，唔知係咪轉佐湯粉嘅關係。2燒魷魚，上枱個下以為上錯😂因為寫住燒，但眼見係炸魷魚，不過都一樣好香口，好食，而且份量都幾多。3豬肉炒粉絲，係其他餐廳少見炒粉絲，多數都係炒金邊粉，河粉個啲。朋友話好食，係唔錯嘅，但如果相比金邊粉，金邊粉會再乾身啲更香。想食地道泰國野時唔使去到九龍城，附近有間已經好好👍