越興園越南菜館 (已搬遷) 新店位置

本身想去食開餐 後來發覺on list嘅越興園係同一條街果斷改變主意✌🏼小店熱情招待 叫外賣都叫我入去坐低慢慢睇餐單超好人😍食物即叫即炒 揾到位坐低打開依然熱辣辣🔥外賣嚟講都算靚靚仔仔叫咗馬拉盞通菜、馬拉盞蛋白炒飯同沙爹炒牛河通菜炒得爽脆 不過略嫌味唔夠濃反而炒飯就濃味得多 本身已經炒得香又粒粒分明加埋馬拉盞嘅辣 非常惹味😋😋唯一一點挑剔 希望唔好用嗰隻假蟹柳炒🤣而炒河係外賣之下亦不減穫氣個汁調得好味 又無浸淋啲河粉 實屬難得埋單$17x 又大份 抵到爛🤟🏽大家係呢段時候除咗要居家抗疫更加要多多支持真香港小店呀😖