廣記粥店

營業中

休息中

我好鍾意飲茶食點心，不過黃嘅茶樓可謂絕無僅有，除咗逸東軒。早排行山喺粉嶺集合，見到聯和墟呢間粥店居然有茶飲，當然第一時間仆到去幫襯。呢度點心籠籠十六蚊😮，好抵食，我揀咗筍尖鮮蝦餃同鮮竹牛肉球，兩者性價比都非常高：蝦餃嘅皮雖然比較厚，但係入面嘅餡料好飽滿，幾好味；牛肉球雖然有落鬆肉粉，但係都食得出牛味，以呢個價錢嚟講算唔錯。食飽飽，慢慢歎茶（四蚊位，去邊度搵😆），欣賞下街市四周嘅庶民風情，八卦下同枱婆婆嘅閒話家常，實屬最佳娛樂。望下張單，才發現廣記粥店原來已經有七十年歷史，黃嘅老店，更加珍貴。