Foodhall by Moon Thai

營業中

休息中

經過附近，知道有間米芝蓮評級嘅泰菜，當然要試試。價錢方面，船麵同Pad Thai 都大概係hkd120,小食豬頸肉就更抵只係HKD48,一般晚餐合理嘅價錢，但質素就屬中上。餐廳環境開揚，地方好大，有好多窗邊位，如果晏就嚟食tea,應該都幾chill服務亦幾好，staff 會主動提供餐具俾客人share 食物，水亦不時refill招牌和牛船麵： 湯底極濃，好香，有陣陣牛嘅甜味。如果齋飲湯會過鹹，連麵一齊食就岩岩好。牛肉鮮嫩，份量好足。側邊嘅炸豬皮亦係加分位，正🤤蝦炒金邊粉： 蝦爽口彈牙，粉炒得乾身，羅望子甜甜酸酸嘅味好開胃，連埋花生碎一齊食，非常香。👍🏻燒豬頸肉： 豬頸肉燒得好好，有脆邊位，肥肉部分亦有油香，無燒得過乾，入口juicy.醬汁亦調得好好，唔辣但好香，點埋佢令到個豬頸肉有提昇。🥰泰式奶茶： 茶膽好香，亦無一般過甜問題，比較適合香港人口味，不過HKD40 杯，有d 貴。