興旺牛雜粉麵

營業中

休息中

牛腩麵向來都係平民美食，一向都好鍾意食。深水埗最近開咗間牛雜粉麵要嚟試下先。 牛三寶河粉有牛腩🐮、牛筋、牛肚，一次過可以滿足3個願望，牛腩肥瘦適中，油脂分布很均勻，炆得夠入味，而且好鬆軟；牛肚份量都多，嚼勁十足有口感；牛筋軟棉嫩滑。河粉滑不溜“口”，加埋秘製嘅腩汁，湯味濃郁！ 崩沙腩幼麵：崩沙腩比一般牛腩更加爽軟，充滿油香，而且唔會太肥膩。湯底濃淡得宜，帶陣陣牛香味，幼麵爽口。 淨雲吞：雲吞都幾大粒，雲吞皮夠薄，餡料豐富，啲蝦又好大隻。 淨墨魚丸：墨魚丸有6粒，粒粒雪白彈牙，都幾爽口，配上青葱，份外清香。