樂園魚旦專家 (好運中心)

營業中

休息中

沙田呢間樂園魚蛋粉相信好多街坊都識，經過唔知食乜就揀佢。首先,我試咗佢哋嘅「四寶丸」,配埋幼滑嘅河粉,真係有夠順口!白魚蛋爽滑Q彈,加埋豬肉丸彈牙，魚片頭爽口，魚皮餃。特製嘅辣椒醬,咸香味足,又唔會太鹹太辣,配上柔綿嘅河粉幾好食。河粉份量超大。之後,我又試咗佢哋嘅「牛三寶」,淋上佢哋秘制嘅腩汁,配埋Q彈嘅幼麵。牛筋、牛腩同牛肚煮到爛熟,入口易咬,啱啱好。幼麵嘅口感夠彈,但就份量細d. 至於飲料方面,我就飲咗佢哋嘅「豆漿」,味道香濃,支裝正常發揮，另外,我飲咗佢哋嘅「凍檸茶」,可以走甜，值得一讚。總括嚟講,呢間魚蛋粉無論係食物定飲品,質素都係幾好!價錢平民，難怪咁多街坊支持。