影片
更多
2023-05-03
971 瀏覽
諗番中學時代，經常都會同朋友過嚟西九龍中心行街食飯，不過宜家好多餐廳已經面目全非，其中一間餐廳紅葱頭依然屹立不倒，皆因食物性價比高，而且質素相當唔錯。 餐廳懷舊嘅紅磚牆裝修，座位都好寬闊，坐得都幾舒服。 呢度嘅二人餐相當抵食🤑，二百零蚊就已經有齊餐湯連法包、小食、主食、飯或意粉、甜品、餐飲。今次揀咗個$299嘅二人餐。 餐湯方面係羅宋湯，個湯好足料，酸辣度恰到好處，加埋蒜蓉包一齊食絕配。 小食法式香草牛油焗田螺，一上檯已經見到冒煙，聞到香噴噴，薯蓉好香牛油味，一啖薯蓉，一啖田螺真係perfect。 主食蜂蜜味bbq燒豬仔骨燒得好香，肉質好稔，表面唔會太乾，茄汁味濃厚突出。 意大利魷魚墨汁意粉🦑：黑色嘅墨汁意粉既神秘又華麗，檻欖油味好香，魷魚新鮮彈牙，不過食完記得抹咀，如果唔係就嚇親人🙈🙈 飯後仲有雪糕做甜品🍨，可以揀朱古力味、曲奇味或者雲呢拿味。如果加$19仲可以轉心太軟。 跟餐有餐飲，加$16又可以升級特飲🍹。 另外，我哋散叫多咗個小食意式炸烏賊，入口燙口酥化，加埋蛋黃醬食超正呀！ $200零蚊個餐，真係認真抵食呀👍。
諗番中學時代，經常都會同朋友過嚟西九龍中心行街食飯，不過宜家好多餐廳已經面目全非，其中一間餐廳紅葱頭依然屹立不倒，皆因食物性價比高，而且質素相當唔錯。
餐廳懷舊嘅紅磚牆裝修，座位都好寬闊，坐得都幾舒服。
呢度嘅二人餐相當抵食🤑，二百零蚊就已經有齊餐湯連法包、小食、主食、飯或意粉、甜品、餐飲。今次揀咗個$299嘅二人餐。
餐湯方面係羅宋湯，個湯好足料，酸辣度恰到好處，加埋蒜蓉包一齊食絕配。
小食法式香草牛油焗田螺，一上檯已經見到冒煙，聞到香噴噴，薯蓉好香牛油味，一啖薯蓉，一啖田螺真係perfect。
主食蜂蜜味bbq燒豬仔骨燒得好香，肉質好稔，表面唔會太乾，茄汁味濃厚突出。
意大利魷魚墨汁意粉🦑：黑色嘅墨汁意粉既神秘又華麗，檻欖油味好香，魷魚新鮮彈牙，不過食完記得抹咀，如果唔係就嚇親人🙈🙈
飯後仲有雪糕做甜品🍨，可以揀朱古力味、曲奇味或者雲呢拿味。如果加$19仲可以轉心太軟。
跟餐有餐飲，加$16又可以升級特飲🍹。
另外，我哋散叫多咗個小食意式炸烏賊，入口燙口酥化，加埋蛋黃醬食超正呀！
$200零蚊個餐，真係認真抵食呀👍。
張貼
