肉肉強食 by 鋒膳 (已結業)

好耐冇食過呢間位於長沙灣嘅平民扒房, 今次口痕同朋友再次回味肉肉強食by鋒膳嘅港式扒套餐非常平價, 港式扒除咗可以單嗌之外, 加22蚊就可以升級做套餐, 包埋餐湯、主食、牛油餐包、餐飲同甜品, 絕對值得呀<牛柳>牛柳可以嗌五成熟或七成熟, 考慮到鐵板本身有熱度, 大食妹就嗌左五成熟, 咁樣擺喺鐵板上高就唔會過熟啦牛柳有成兩舊, 而且非常厚切, 配搭辣辣嘅黑椒汁, 非常惹味<美式雜扒>鍾意咩都食啲嘅朋友就嗌左美式雜扒美式雜扒裏面咩都有, 大食妹覺得施華力腸幾好食, 小朋友至愛<手打牛肉漢堡>覺得港式扒熱氣嘅朋友就單嗌左份手打牛肉漢堡, 牛肉漢堡扒好厚切, 食落啖啖肉, 半溶嘅芝士都顯得好誘人<羅宋湯>餐湯有兩款, 係經典嘅紅湯同白湯大食妹嘅紅湯超足料, 可以清晰見到牛肉同薯仔, 誠意滿分<薯條>主食方面當然要嗌薯條份量好多, 仲係經典嘅波浪紋薯條<牛油餐包>牛油餐包細細個好得意<凍檸茶>凍檸茶亦都透心涼, 鐵板扒一定要配凍檸茶<雪糕>雪糕喺香港製造做嘅比利時焦糖