鴻圖樓茶餐廳

營業中

休息中

見圖唔好鬧我住先。可能大家會心諗燒味飯姐。唔洗都影相出食評呀？就正正佢唔係普通嘅燒味飯所以先同大家推介一下。鴻圖茶餐廳。路經牛頭角同人交收。晚市禁堂食，都要解決夜晚個餐。茶餐廳位於鴻圖道。非常方便。晏就四點幾都見到接近坐滿一半食客。見佢燒味好吸引。就嚟個燒肉鵝飯。即使係叫外賣。燒肉嘅皮仍然係卜卜脆，呢到加左唔少分。飯味香濃，而且粒粒分明。鵝肉亦都好實淨唔會話鬆拋拋。重點係價錢唔貴，上菜快。附近返工嘅打工仔絕對可以嚟呢到一戰。