Straits Kitchen (已結業)

平日返工放工，仲要買餸煮飯，打工仔都係出街食。呢間餐廳對自己嘅食物係相當自信，啱唔啱食真係要試過先知。點咗蒸倉魚，炒菜，白飯。魚：有肉地得唻夠滑，冇蒸過龍。本身對豆鼓嘅出現抱住懷疑嘅態度，點知食落去冇個種死鹹辟味嘅味道，而真係提鮮。原本豆鼓係廚師自家製，粒粒均捽碎菜：炒菜就炒菜，好奇問下佢哋係咪落咗糖炒，佢哋話冇。我又再次側哂頭至90度問啲甜味邊度唻，佢哋話，係雞湯。手作工夫精緻到一個點…飯：冇特色，唔會令我注意到啲乜嘅就係好。軟硬適中有飯香，通常出面都唔係成日食倒。整體係：好食啱食。個晚食完唔駛飲好多水，亦都冇因為個口好鹹瞓唔著。Btw個菜色叫「兒時回憶」，都令我忍唔住諗起細個放學返屋企同爸媽食飯嘅時刻。食到呢餐晚飯，平常簡單但幸福，得來不易。