味來中菜餐廳 (已結業)

本身諗住一支公食兩餸飯點知朋友打嚟話佢都冇飯開，不如去佢屋企附近一齊食飯吹吓水。🤭兩條麻甩佬簡簡單單食吓中菜小炒就好，餐廳應該係新開，地方都幾寬敞冷氣夠，坐得幾舒服。坐低就叫咗一支可樂，點知開茶先發現原來有白桃烏龍！椒鹽一口豆腐份量多🤤外邊炸得脆卜卜入邊係滑身嘅豆腐，鋪面有炸蒜同椒鹽，一啖一粒勁惹味。紅燒脆皮乳鴿又係炸！飛禽類最鍾意食乳鴿🤤皮脆肉嫩滑。Btw 有冇人鍾意食乳鴿頭😌勁香脆㗎囉蜜椒薯仔牛柳粒呢個基本上係小菜必點走過油嘅薯仔香口，加埋淋身嘅牛柳粒用黑椒蜜糖調味，辣得嚟帶甜，送飯一流。食緊嘅時候見到側邊嘅都係食龍蝦🦞睇落都幾吸引，原來做緊精選推介上湯龍蝦同埋海南雞set😌