榮記粉麵

營業中

休息中

由於呢排都係食一啲打卡餐廳比較多，所以真係唔知幾耐冇食過車仔麵。但朋友之前推薦話好出名，所以過嚟試吓。其實好多配料都好吸引，配搭都多元化，不過見到有墨魚頭，毫不猶豫就揀咗，再配埋金錢肚，而朋友就揀咗豬紅。等咗陣嘢食就好快到，試咗一啖湯果然好濃郁非常之好味！同埋唔會有嗰種，食完覺得好口乾好鹹嘅感覺。幾得意嘅係墨魚頭唔係真係得頭，而係有其他足鬚部份，不過我都好鍾意，好有咬口。其實呢個價錢，可以食到咁高質素，真係喜出望外。