時代冰室 (環球工商大廈) (已結業)

係茶餐廳打邊爐我都係第一次, 但係整個體驗相當有驚喜🥳秋風臘腸・豆ト排骨🍲($68)即叫即整所以等既時間會比較耐, 唔好睇佢細細煲, 食落都幾飽, 而且臘腸同排骨超香同勁多, 飯落左甜豉油更加香同埋食到脆脆既飯蕉, 以茶餐廳水準黎講係十分之讚, 仲包一杯熱飲添😁 海鮮鍋🥘($88)有四個湯底可以揀, 今次揀左好香濃既醉雞湯底, 唔好睇佢係一人份量, 但係啲配料都幾多😍 呢個火鍋包左珍寶海鮮鍋, 八寶盒, 五福臨門, 基本上平日火鍋會食到既配料佢都會有, 個人覺得最好食既係佢既長洲大魚蛋, 貢丸, 飛魚子粒粒鮮蝦滑都勁好食, 最值得讚既係有大量既蔬菜🥬 除左包既野之外我地另外仲加左一碟勁多同嫩既鮮牛肉($24) 同埋滑豆腐($12) 都好足料同高質, 另外加$18就可以飲到一杯XXL既特飲真係超大杯😂飛佛沙嗲金菇肥牛鍋🐄($58)醬汁非常之濃同埋牛肉都好嫩同厚身, 仲有大量既粉絲同金菇🤤 分左一至四個小菜既餐, 有勁多款小菜可以揀, 加$12蚊仲可以轉餐配一杯熱飲, 一碗飯, 一碗湯超級抵🤩 冇諗過係茶餐廳都可以食到咁高質既火鍋個人覺得絕對唔輸融得過連鎖店果啲😎 大家想平平地嘆個邊爐同煲