銘陽車仔麵 (已搬遷) 新店位置

今日自己一個喺荃灣食中午，天時暑熱，於是就揀咗呢間車仔麵呀，香港車仔麵有好多，但係要煮得出色嘅就真係冇幾多間，呢間門口雖然唔係好搶眼，但係勝在錯落舒適，闊落，感覺舒服。自己一個人食，有眼闊肚窄，叫咗個米線底，米線份量好多，好彩冇加底。我叫咗嘅餸有豬軟骨，生根，自家製水餃，牛筋，份量十分之足，好後悔叫咗咁多餸添。但係佢啲豬軟骨又真係件件都有軟骨，而且唔會好林淋，食落口爽脆，水餃方面，不過不失啦，而且仲有豬脷，都好爽口，又夠入味。至於牛筋，唔會主導好林，夠晒爽口，而且又入味，補充骨膠原真係一流呀。而且加咗腩汁嘅牛腩湯底，分外覺得惹味。飲品方面叫咗豆漿，唔係好大支，但係勝在夠晒冰凍，又唔會好甜，真係夠晒健康。