泰昌餅家 (鳳德商場) (已結業)

屋企冇飯開， 又唔想出街， 是但去咗屋企附近嘅泰昌開餐。 泰昌我見來講都係買麵包、蛋撻等等。 但屋企附近呢間係有麵餐、飯餐等等。 叫咗一個常餐， 有鮑魚火腿絲米粉另加札肉，配半塊厚多士， 炒蛋，凍檸茶少甜。 份量好多，蛋嘅味道就怪怪地， 多士就好正（始終佢都係買麵包嘅）。 成個餐，只係買$29 ，凍飲加兩蚊， 呢個價錢， 對比起附近一間連鎖式嘅茶餐廳，平$10有多。 無論份量，價錢，同埋質素都比嗰種連鎖式嘅茶餐廳好好多，絕對係一個唔錯嘅選擇！