泰國人海南雞 (已結業)

今晚落雨，所以就去左呢間近天后站既泰國人海南雞！雖然佢係好多地方都有分店，但今次真係第一次食，無咩期望，最後反而幾有驚喜！迷你船仔湯金邊粉+迷你海南雞飯 $59 (包飲品）呢個餐真係好抵！如果唔肚餓，絕對夠兩個人share!金邊粉有得揀要牛肉/豬肉，我就揀左牛肉！佢有幾塊新鮮滑牛，加兩粒牛丸，金邊粉既份量唔少，湯底方面，個人覺得一般，無咩特別！至於迷你海南雞飯，絕對唔迷你，油飯同埋海南雞既份量媲美正常份量！海南雞夠滑，油飯都幾香，高質！青咖喱鴨胸飯 $58 （包飲品）呢個飯就正常份量，青咖喱入面仲有豆角，夠曬健康！青咖喱既椰香味十足，甜甜地，用黎撈飯一流！