佳記餐廳

營業中

休息中

嚟到佐敦道附近想食個下午茶食吓，見到原來唔係間間都有下午茶供應，突然間望到佳記冰室，走去望下佢個下午茶都好吸引，咁就一行四人就走咗入去食，座位以茶餐廳角度來講，都算ok！坐落都算舒適，佢哋啲下午茶餐牌，全部用電子板顯示！好快趣我哋就揀咗四個下午茶；啲餐飛快哋已送到枱面！而品質都好有驚喜；尤其是個沙嗲牛西多士；啲沙嗲牛原來呢埋西多士中間，食落竟然係鮮牛！我最喜愛；另外兩個腸仔包鹹牛肉同埋沙律，就不過不失！窩蛋蕃茄湯意粉啲湯比較鹹！總括來說都超抵食，所有下午茶都跟熱飲，啲奶茶值得一讚！完全冇苦澀味；證明水吧衝得好有水準！下次嚟開佐敦都可以繼續食佢嘅下午茶餐！